Baskavinafélagið á Íslandi » admin42

Opnun sýningar og útgáfu fagnað í Baskalandi föstudaginn 17. júlí 2015

admin42 — Tue, 14 Jul 2015 11:47:59 +0000

Föstudaginn 17. júlí var dagskrá í San Sebastian/Donostia í Baskalandi þar sem sýningin um Spánverjavígin var opnuð á basknesku, kynnt þrítyngd útgáfa Spánverjavíganna (á basknesku, spænsku og ensku) og flutt ávörp.

Dagskrá má finna hér

Myndir frá ráðstefnu 2015

admin42 — Mon, 13 Jul 2015 11:25:46 +0000

Sýning um Spánverjavígin opnuð 2015

admin42 — Wed, 01 Jul 2015 15:02:05 +0000

Laugardaginn 4. júlí kl. 16, var opnuð sýning um Spánverjavígin 1615 í Edinborgarhúsinu á Ísafirði í tilefni af því að 400 ár eru í haust liðin frá þessum atburðum. Þetta aðeins ein af mörgum opnunum sýningarinnar, en 6. júlí verður hún hún sett upp í Dalbæ á Snæfjallaströnd, um miðjan júli í Byggðasafni Strandamanna og Húnvetninga á Reykjum í Hrútafirði og svo verður hún sett upp á basknesku í Aquarium í Donostia í Baskalandi 17. júlí. Í ágúst verður sýningin opnuð í Þróunarsetrinu á Hólmavík og loks í Þjóðarbókhlöðunni í september.

Guðrún Ólafsdóttir söngkona mun flytja nokkur lög við opnunina ásamt eiginmanni sínum, gítarleikaranum Francisco Javier Jáuregui. Þau gáfu út disk nýlega, þar sem má finna nokkur basknesk þjóðlög í útsetningum Javiers fyrir rödd, fiðlu og gítar og munu þau leika nokkur lög af diskinum. Loks mun Jónas Guðmundsson sýslumaður opna sýninguna.

Viðburðurinn er í samstarfi Baskavinafélagsins á Íslandi við Edinborgarhúsið, Byggðasafn Vestfjarða, Vaxtarsamning Vestfjarða og Uppbyggingarsjóð Vestfjarða.

Aðstandendur og þátttakendur á alþjóðlegri ráðstefnu um Spánverjavígin 2015

admin42 — Wed, 01 Jul 2015 14:40:01 +0000

Hér má sjá nokkra aðstandendur og þáttakendur á alþjóðlegri ráðstefnu um Spánverjavígin í Þjóðarbókhlöðu 20.- 21. apríl 2015 samstarfi Baskavinafélagsins við Gipuzkoa-hérað, Basknesku Etxepare stofnunina, Center for Basque Studies University of Nevada, Reno, Barandiaran Chair for Basque Studies University of California, Santa Barbara, Stofnun Vigdísar Finnbogadóttur og Landsbókasafn Íslands – Háskólabókasafn.

Útgáfa

admin42 — Wed, 01 Jul 2015 14:38:44 +0000

Í apríl kom út í samstarfi Baskavinafélagsins við Mál og menningu fjórtyngd útgáfa á Spánverjavígunum 1615 (á íslensku, basknesku, spænsku og ensku). Ritið fæst í helstu bókaverslunum og hjá Forlaginu.

Minningarskjöldur afhjúpaður

admin42 — Wed, 01 Jul 2015 14:38:20 +0000

Miðvikudaginn 22. apríl 2015 var afhjúpaður minningarskjöldur um Spánverjavígin á Hólmavík að viðstöddum héraðsstjóra Gipuzkoa, menningarstjóra héraðsins, Illuga Gunnarssyni menningarmálaráðherra og Jónasi Guðmundssyni sýslumanni Vestfjarða.